ڈی سی کمپلیکس حب کے تعمیراتی کام میں تیزی لائی جائے، جمعہ داد خان مندوخیل

ڈپٹی کمشنر حب جعمہ داد خان مندوخیل کا ڈی سی کمپلیکس حب کے جاری ترقیاتی کام کا معائنہ کیا تعمیراتی کام تیز کرنے کی ہدایت کی۔

تفصیلات کے مطابق

ڈپٹی کمشنر حب جعمہ داد خان مندوخیل نے محکمہ مواصلات و تعمیرات (C&W) کے انجینئر کے ہمراہ کمپلیکس حب کا دورہ کیا اور وہاں جاری ترقیاتی و تعمیراتی کام کا تفصیلی معائنہ کیا اس موقع پر متعلقہ انجینئر نے ڈپٹی کمشنر کو منصوبے پر ہونے والی پیش رفت اور جاری تعمیراتی سرگرمیوں کے حوالے سے بریفنگ دی ڈپٹی کمشنر حب نے کہا کہ ڈی سی کمپلیکس ضلع حب کا ایک اہم ترقیاتی منصوبہ ہے جو پبلک سیکٹر ڈویلپمنٹ پروگرام (PSDP) کے تحت جاری ہے۔ انہوں نے کہا کہ ضلعی انتظامیہ کو دفاتر کے لیے مناسب جگہ اور ضروری سہولیات کی کمی جیسے مسائل کا سامنا ہے، جس کے باعث ڈی سی کمپلیکس کی بروقت تکمیل انتظامی امور کی بہتری اور عوام کو بہتر سہولیات کی فراہمی کے لیے نہایت اہمیت رکھتی ہے ڈپٹی کمشنر نے متعلقہ ایگزیکیوٹنگ ایجنسی اور ٹھیکیدار کو ہدایت کی کہ تعمیراتی کام کی رفتار تیز کی جائے اور منصوبے کو مقررہ مدت میں مکمل کرنے کے لیے تمام ضروری اقدامات اٹھائے جائیں۔ انہوں نے واضح کیا کہ تعمیراتی کام میں معیار پر کسی قسم کا سمجھوتہ نہ کیا جائے اور تمام کام مقررہ تکنیکی معیار اور تعمیراتی ضوابط کے مطابق مکمل کیا جائے انہوں نے اس عزم کا اظہار کیا کہ ڈی سی کمپلیکس کی تکمیل سے ضلعی انتظامیہ کو بہتر دفتری سہولیات میسر آئیں گی، جس سے انتظامی کارکردگی اور عوامی خدمات کی فراہمی میں مزید بہتری آئے گی۔