مہنگی منگوائی گئی چینی سستی برآمدکرنےکی اجازت، قومی خزانے کو اربوں روپے کا نقصان

لاہور: وفاقی وزارت پیداوار نے مہنگی درآمد کی گئی چینی کو کم قیمت پر برآمد کرنے کی اجازت دے دی، جس پر قومی خزانے کو اربوں روپے کے نقصان کا خدشہ ظاہر کیا جا رہا ہے۔

ذرائع کے مطابق ڈھائی لاکھ ٹن مقامی چینی برآمد کرنے کا فیصلہ نہ ہوسکا جبکہ ایک لاکھ ٹن چینی برآمد کرنے کی اجازت دی گئی ہے۔ ذرائع نے فیصلے کو مایوس کن قرار دیتے ہوئے کہا کہ اس اقدام سے شوگر سیکٹر اور کسانوں کو مشکلات کا سامنا ہوسکتا ہے۔

شوگر ملز مالکان نے وزارت پیداوار کو آگاہ کیا ہے کہ موجودہ صورتحال میں کسانوں سے گنے کی فصل خریدنا مشکل ہو سکتا ہے۔