کوئٹہ میں انٹرنیٹ بلیک آؤٹ، موبائل ڈیٹا سروس پھر معطل

کوئٹہ میں انٹرنیٹ بلیک آؤٹ، موبائل ڈیٹا سروس پھر معطل

صوبائی دارالحکومت کوئٹہ میں موبائل انٹرنیٹ سروس ایک بار پھر بند کر دی گئی ہے۔

ذرائع کے مطابق یہ فیصلہ سیکیورٹی خدشات کے پیش نظر کیا گیا ہے۔ شہر کے بیشتر علاقوں میں 3G اور 4G ڈیٹا کام نہیں کر رہا، جس کی وجہ سے شہریوں کو واٹس ایپ، فیس بک اور دیگر آن لائن سروسز کے استعمال میں شدید دشواری ہو رہی ہے۔

حکام کا موقف ہے کہ یہ بندش عارضی ہے اور امن و امان کی صورتحال کو کنٹرول میں رکھنے کے لیے کی گئی ہے۔ عوام کی جان و مال کا تحفظ اولین ترجیح ہے۔

دوسری جانب شہریوں، طلباء اور آن لائن کاروبار سے وابستہ افراد نے اس اچانک بندش پر تشویش کا اظہار کیا ہے۔ ان کا کہنا ہے کہ حکومت بندش سے قبل بروقت آگاہ کرے تاکہ لوگ متبادل انتظام کر سکیں۔

انتظامیہ کا کہنا ہے کہ حالات معمول پر آتے ہی انٹرنیٹ سروس فوری طور پر بحال کر دی جائے گی۔