بلوچستان بھر میں موبائل انٹرنیٹ سروس کی بندش، شہری، طلباء اور تاجر مشکلات کا شکار

بلوچستان بھر میں موبائل انٹرنیٹ سروس کی بندش، شہری، طلباء اور تاجر مشکلات کا شکار

کوئٹہ: کوئٹہ سمیت بلوچستان کے مختلف علاقوں میں موبائل انٹرنیٹ سروس کی بندش کے باعث شہریوں، طلباء اور کاروباری افراد کو شدید مشکلات کا سامنا کرنا پڑ رہا ہے۔

صارفین کے مطابق انٹرنیٹ کی عدم دستیابی سے آن لائن تعلیم، کاروباری سرگرمیوں، فری لانسنگ اور روزمرہ کے دیگر کام متاثر ہو رہے ہیں۔

طلباء کا کہنا ہے کہ آن لائن کلاسز، تعلیمی مواد تک رسائی اور امتحانی تیاری میں مشکلات پیش آ رہی ہیں، جبکہ تاجر برادری کے مطابق موبائل انٹرنیٹ بند ہونے سے آن لائن ادائیگیوں اور کاروباری رابطوں میں رکاوٹ پیدا ہو رہی ہے۔

شہریوں نے متعلقہ حکام سے مطالبہ کیا ہے کہ موبائل انٹرنیٹ سروس کی بحالی کے لیے فوری اقدامات کیے جائیں تاکہ معمولات زندگی بحال ہو سکیں۔