ملک بھر کے بجلی صارفین کے لیے بڑا ریلیف ختم ہونے کا امکان

اسلام آباد: ملک بھر کے بجلی صارفین کے لیے جاری سہ ماہی ایڈجسٹمنٹ ریلیف ختم ہونے کے قریب پہنچ گیا، جس کے بعد آئندہ ماہ بجلی مزید مہنگی ہونے کا امکان ظاہر کیا جا رہا ہے۔

ذرائع کے مطابق بجلی کے نرخوں میں ایک روپے 99 پیسے فی یونٹ کمی کی مد میں دیا جانے والا ریلیف اگست 2026 میں اپنی مدت پوری کر رہا ہے۔ اس ریلیف کے تحت صارفین کو 67 ارب روپے سے زائد کا فائدہ پہنچایا جا رہا تھا۔

رپورٹس کے مطابق ریلیف ختم ہونے کے بعد اپریل تا جون 2026 کی سہ ماہی ایڈجسٹمنٹ لاگو ہونے کا امکان ہے، جس سے بجلی کے نرخوں میں اضافہ ہو سکتا ہے۔

بجلی تقسیم کار کمپنیوں نے نیشنل الیکٹرک پاور ریگولیٹری اتھارٹی (نیپرا) میں درخواست جمع کرا دی ہے، جس میں صارفین پر 23 ارب روپے سے زائد اضافی بوجھ ڈالنے کی تجویز دی گئی ہے۔

حتمی فیصلہ نیپرا کی جانب سے سماعت اور جائزے کے بعد کیا جائے گا۔