18ویں ترمیم کے بعد اختیارات صوبوں کو منتقل ہوئے، مگر اضلاع تک اختیارات کی منتقلی ضروری ہے،جام کمال

سابق وزیراعلیٰ بلوچستان جام کمال خان نے کہا ہے کہ 18ویں ترمیم کے بعد وفاقی حکومت کے اختیارات صوبوں کو منتقل کر دیے گئے، تاہم یہ اختیارات اسی طریقے سے اضلاع تک منتقل نہیں کیے گئے۔

انہوں نے کہا کہ اگر ایک ضلع کو دو ارب روپے ملیں اور دوسرے ضلع کو بیس ارب روپے دیے جائیں تو دونوں علاقوں کی ترقی میں واضح فرق پیدا ہوگا۔

جام کمال کا کہنا تھا کہ متوازن ترقی کے لیے ضروری ہے کہ اضلاع کو ان کی ضروریات اور مسائل کے مطابق وسائل اور اختیارات فراہم کیے جائیں، تاکہ تمام علاقوں میں یکساں ترقی ممکن ہو سکے۔