ملک میں آئین کی بالادستی اور جمہوریت کی بحالی ہی تمام بحرانوں کا واحد حل ہے،محمود خان اچکزئی

تحریکِ تحفظِ آئینِ پاکستان کے سربراہ اور قومی اسمبلی میں اپوزیشن لیڈر محمود خان اچکزئی کی قیادت میں عمران خان اور دیگر تمام سیاسی قیدیوں کی فوری رہائی کےلئے ایک عظیم الشان ریلی اور احتجاجی مظاہرہ منعقد کیا گیا۔احتجاجی مظاہرے میں عوام کی بڑی تعداد نے شرکت کی اور بانی پی ٹی آئی عمران خان سمیت تمام سیاسی اسیران کی رہائی کے حق میں شدید نعرے بازی کی۔ مظاہرین سے خطاب کرتے ہوئے اور اپنے مطالبات پیش کرتے ہوئے رہنماو¿ں نے واضح کیا کہ ملک میں آئین کی بالادستی اور جمہوریت کی بحالی ہی تمام بحرانوں کا واحد حل ہے۔اپوزیشن لیڈر محمود خان اچکزئی کی قیادت میں نکلنے والی اس ریلی نے شہر میں سیاسی حلچل پیدا کر دی ہے، جہاں مظاہرین نے حکومت سے مطالبہ کیا کہ تمام سیاسی رہنماو¿ں پر قائم مقدمات ختم کیے جائیں اور ملک کو آئینی و قانونی راستے پر چلایا جائے۔ عوام کی اس بھاری شرکت کو اپوزیشن کا ایک بڑا پاور شو قرار دیا جا رہا ہے۔