ویلڈن بلوچستان پولیس، زخمی بچے کی جان بچانے والے پولیس افسر کو خراجِ تحسین

کوئٹہ میں چند روز قبل ائیرپورٹ روڈ کے قریب ایک نجی ہاؤسنگ سوسائٹی میں پیش آنے والے افسوسناک واقعے میں مسلح حملہ آوروں کی فائرنگ سے ایک حاملہ خاتون جاں بحق جبکہ ایک بچہ شدید زخمی ہوگیا۔

اطلاع ملتے ہی مقامی پولیس فوری طور پر جائے وقوعہ پر پہنچی، قانونی کارروائی کا آغاز کیا اور زخمی بچے کو فوری طبی امداد کی فراہمی یقینی بنانے کے لیے سب انسپکٹر علی محمد نے اپنی ذاتی گاڑی میں اسے ہسپتال منتقل کیا، جس سے بچے کی جان بچانے میں اہم کردار ادا کیا گیا۔

شہری حلقوں نے پولیس افسر کے اس انسانی اور بروقت اقدام کو سراہتے ہوئے کہا کہ مشکل حالات میں ایسی ذمہ داری اور ہمدردی قابلِ تحسین ہے۔ عوام کی جانب سے سب انسپکٹر علی محمد اور بلوچستان پولیس کو انسانی جان بچانے کی اس کوشش پر خراجِ تحسین پیش کیا جا رہا ہے۔