ذہنی و فکری معذوری کے حامل بچوں کے لیے ڈے کیئر اور علاج و بحالی کے مراکز بنائے جائیں،سلمی سعید ہاشمی

لاہور( نمائندہ خصوصی )گلوبل ٹائمز میڈیا یورپ کے مطابق محترمہ سلمی سعید ہاشمی ایم پی اے و رکن پنجاب اسمبلی کا پنجاب اتھارٹی برائے معذور افراد اتھارٹی کا اہم پارلیمانی اقدام۔ کی قرارداد پیش۔سلمہ سعید ہاشمی ایم پی اے۔سینئر نائب صدر پاکستان مسلم لیگ ق ویمن ونگ پنجاب نے پنجاب اسمبلی میں ایک توجہ دلاو نوٹس پر ایک قراداد پیش کرتے ہوئے اس موقع پر رکنِ صوبائی اسمبلی پنجاب، سلمیٰ سعید ہاشمی سینئر نائب صدر پاکستان مسلم لیگ ق ویمن ونگ پنجاب نے کہا کہ پنجاب اسمبلی میں پیش کی گئی قرارداد کا مقصد ذہنی و فکری معذوری کے حامل یتیم اور بے سہارا بچوں اور بچیوں کے لیے صوبہ بھر میں محفوظ رہائشی مراکز، ڈے کیئر مراکز اور معیاری علاج و بحالی کے مراکز کے قیام کو یقینی بنانا ہے۔
انہوں نے کہا کہ ہر والدین کے دل میں ایک ہی فکر ہوتی ہے کہ “ہمارے بعد ہمارے بیٹوں اور بیٹیوں کا سہارا کون بنے گا؟” یہی احساس اس قرارداد کی بنیاد ہے، تاکہ ایسے بچوں اور بچیوں کے لیے ایک محفوظ، باوقار اور پائیدار نظام قائم کیا جا سکے۔انہوں نے مزید کہا کہ قرارداد میں مطالبہ کیا گیا ہے کہ علاج و بحالی کے تمام مراکز کی لائسنسنگ، رجسٹریشن اور نگرانی پنجاب ہیلتھ کیئر کمیشن اور بین الاقوامی معیار کے مطابق کی جائے۔ اس کے ساتھ ساتھ ان مراکز میں مؤثر حفاظتی انتظامات، تربیت یافتہ عملہ اور دیگر تمام ضروری سہولیات کی فراہمی کو یقینی بنایا جائے، تاکہ ذہنی و فکری معذوری کے حامل بچوں اور بچیوں کو محفوظ، باوقار اور معیاری نگہداشت، علاج اور بحالی کی خدمات میسر آ سکیں۔