شوشل میڈیا کا دعویٰ غلط نکلا، قلات ڈویژن کے نوٹیفکیشن پر سٹے آرڈر کی خبریں بے بنیاد قرار

کوئٹہ: بلوچستان ہائیکورٹ نے قلات ڈویژن سے متعلق حکومتی نوٹیفکیشن کی معطلی کے حوالے سے سوشل میڈیا پر گردش کرنے والی خبروں کو بے بنیاد قرار دیتے ہوئے ان کی تردید کر دی ہے۔

رجسٹرار بلوچستان ہائیکورٹ ناصر خان یوسفزئی کی جانب سے جاری کردہ رسمی یادداشت کے مطابق، 29 جولائی 2026 کو آئینی درخواست نمبر 1062/2026 کی سماعت کے دوران عدالت نے صرف فریقین کو نوٹسز جاری کیے ہیں۔

عدالت کی جانب سے جاری وضاحت میں کہا گیا ہے کہ 8 جولائی 2026 کے قلات ڈویژن سے متعلق حکومتی نوٹیفکیشن کو معطل کرنے کے حوالے سے سوشل میڈیا پر چلنے والی خبریں درست نہیں ہیں۔

بلوچستان ہائیکورٹ کے مطابق کیس کی آئندہ سماعت 6 اگست 2026 کو ہوگی، جس میں درخواست پر مزید کارروائی کی جائے گی۔