سنجاوی: نامعلوم افراد کا پولیس چوکی پر حملہ، چوکی تباہ، کوئی جانی نقصان نہیں

سنجاوی: بلوچستان کے ضلع ژوب کی تحصیل سنجاوی کے علاقے اصغرہ میں نامعلوم مسلح افراد نے پولیس چوکی پر حملہ کر کے اسے تباہ کر دیا۔

ذرائع کے مطابق حملے میں پولیس چوکی کو نقصان پہنچا، تاہم خوش قسمتی سے کسی جانی نقصان کی اطلاع نہیں ملی۔

واقعے کے بعد قانون نافذ کرنے والے اداروں نے علاقے کا محاصرہ کر کے حملہ آوروں کی تلاش شروع کر دی، جبکہ حملے کی مزید تحقیقات بھی جاری ہیں۔ حکام کا کہنا ہے کہ واقعے میں ملوث عناصر کو جلد گرفتار کرنے کے لیے کارروائی کی جا رہی ہے۔