بلوچستان مسئلے کا حل مذاکرات میں ہے، ڈاکٹر مالک بلوچ

کوئٹہ: نیشنل پارٹی نے بلوچستان میں کسی ممکنہ آپریشن سے متعلق خبروں اور اسلام آباد میں ہونے والی ملاقاتوں کے حوالے سے جاری قیاس آرائیوں کو مسترد کر دیا ہے۔

پارٹی کے رہنما ڈاکٹر مالک بلوچ نے کہا ہے کہ نیشنل پارٹی بلوچستان میں طاقت کے استعمال کے خلاف ہے اور مسائل کے حل کے لیے سیاسی مکالمے، جمہوری عمل اور اصلاحات پر یقین رکھتی ہے۔

نیشنل پارٹی کے مطابق بلوچستان کا مسئلہ سیاسی نوعیت کا ہے، جس کا حل بھی سیاسی طریقہ کار، مذاکرات اور عوامی اعتماد کی بحالی سے ہی ممکن ہے۔