پیٹرولیم ڈیلرز ایسوسی ایشن کے اجلاس میں ہڑتال کی حمایت، ملک گیر بندش کا امکان

کراچی: پاکستان پیٹرولیم ڈیلرز ایسوسی ایشن کے اجلاس میں بیشتر نمائندوں نے ملک گیر ہڑتال کے فیصلے کی حمایت کر دی ہے۔

ذرائع کے مطابق کراچی میں ہونے والے اجلاس میں پیٹرول پمپ مالکان کی اکثریت نے ہڑتال کے حق میں رائے دی، جبکہ حتمی اعلان ایسوسی ایشن کے رہنما پریس کانفرنس میں کریں گے۔

ذرائع کا کہنا ہے کہ پیٹرول پمپ اونرز کی جانب سے آج رات 12 بجے سے ہڑتال کا اعلان پہلے ہی کیا جا چکا ہے، جبکہ پیٹرولیم ڈیلرز ایسوسی ایشن بھی کل صبح 6 بجے سے پمپ بند کرنے کا اعلان کر سکتی ہے۔

دوسری جانب منی مزدا گڈز ٹرانسپورٹ ایسوسی ایشن نے بھی ہڑتال کی حمایت کا اعلان کرتے ہوئے کہا ہے کہ پٹرولیم مصنوعات کی قیمتوں میں اضافے کے باعث ٹرانسپورٹ کا شعبہ شدید متاثر ہو رہا ہے۔