سریاب میں سیکیورٹی سخت، ایس ایچ او فضل خلجی کی نگرانی میں مختلف مقامات پر چیکنگ کا سلسلہ جاری

کوئٹہ: موجودہ سیکیورٹی صورتحال کے پیش نظر سریاب کے مختلف علاقوں میں پولیس نے چیکنگ مزید سخت کر دی ہے۔ ایس ایچ او سریاب فضل خلجی کی نگرانی میں مختلف داخلی و خارجی راستوں اور اہم مقامات پر گاڑیوں اور مشتبہ افراد کی جامع تلاشی کا سلسلہ جاری ہے۔

ایس ایچ او فضل خلجی نے کہا کہ عوام کے جان و مال کا تحفظ اور علاقے میں امن و امان کا قیام پولیس کی اولین ترجیح ہے۔ انہوں نے چیکنگ پر مامور اہلکاروں کو ہدایت کی کہ وہ دورانِ ڈیوٹی شہریوں کے ساتھ خوش اخلاقی، نرمی اور احترام سے پیش آئیں تاکہ عوام کو کسی قسم کی پریشانی کا سامنا نہ ہو۔

انہوں نے عوام سے بھی اپیل کی کہ امن و امان کے قیام اور جرائم کے خاتمے کے لیے پولیس کے ساتھ مکمل تعاون کریں اور کسی بھی مشکوک سرگرمی کی فوری اطلاع متعلقہ پولیس کو دیں۔