گرینڈ الائنس بلوچستان کا احتجاجی لاک ڈاؤن بدستور جاری رکھنے کا اعلان

کوئٹہ: گرینڈ الائنس بلوچستان نے اعلان کیا ہے کہ جائز مطالبات کی منظوری اور گرفتار ملازمین کی رہائی تک احتجاجی لاک ڈاؤن جاری رکھا جائے گا۔

ترجمان گرینڈ الائنس بلوچستان کے مطابق ملازمین کی گرفتاری، ہراسانی اور پرامن احتجاج کو دبانے کے تمام ہتھکنڈے ناقابلِ قبول ہیں۔ انہوں نے کہا کہ حکومت فوری طور پر گرفتار ملازمین کو رہا کرے اور ملازمین کے جائز مطالبات تسلیم کرے، بصورت دیگر احتجاج کا دائرہ مزید وسیع کیا جائے گا۔

گرینڈ الائنس بلوچستان نے اپنے تمام ممبران، ضلعی و تحصیل عہدیداران، اساتذہ اور ملازمین کو ہدایت جاری کی ہے کہ وہ اپنے اپنے دفاتر، تعلیمی اداروں اور متعلقہ سرکاری محکموں میں مکمل لاک ڈاؤن کو یقینی بنائیں۔

ترجمان کے مطابق تمام سرکاری دفاتر اور تعلیمی ادارے مکمل طور پر بند رکھے جائیں اور کسی بھی سطح پر معمول کی سرگرمیاں بحال نہ کی جائیں۔

انہوں نے کہا کہ ملازمین اپنے حقوق کے حصول کے لیے متحد رہیں اور تنظیمی فیصلوں پر مکمل عملدرآمد کو یقینی بنائیں۔