جسٹس منیب اختر نے قائم مقام چیف جسٹس آف پاکستان کا حلف اٹھا لیا

کراچی: سپریم کورٹ آف پاکستان کے سینئر ترین جج جسٹس منیب اختر نے قائم مقام چیف جسٹس آف پاکستان کے عہدے کا حلف اٹھا لیا۔

حلف برداری کی سادہ مگر پروقار تقریب سپریم کورٹ برانچ رجسٹری کراچی میں منعقد ہوئی، جہاں سندھ ہائی کورٹ کے چیف جسٹس جسٹس محمد شفیع صدیقی نے ان سے عہدے کا حلف لیا۔

سپریم کورٹ کے اعلامیے کے مطابق تقریب میں سپریم کورٹ اور وفاقی آئینی عدالت کے معزز جج صاحبان نے شرکت کی، جبکہ رجسٹرار سپریم کورٹ نے تقریب کی کارروائی سرانجام دی۔ اس موقع پر سپریم کورٹ کے اعلیٰ افسران اور دیگر عملہ بھی موجود تھا۔

جسٹس منیب اختر چیف جسٹس آف پاکستان جسٹس یحییٰ آفریدی کی بیرون ملک موجودگی کے دوران قائم مقام چیف جسٹس کے فرائض انجام دیں گے۔

قانونی حلقوں نے جسٹس منیب اختر کی بطور قائم مقام چیف جسٹس تقرری کو عدالتی امور کے تسلسل اور مؤثر انتظامی کارروائیوں کے لیے اہم قرار دیا ہے۔