دوسڑکہ پولیس کا بڑا کریک ڈاؤن، 6 ملزمان گرفتار

لورالائی (میاں محمدعامربشیر آرائیں)پولیس پریس کانفرنس

ایس ڈی پی او دوسڑکہ سرکل اقبال لانگو نے ایس ایچ او تھانہ دوسڑکہ محمد شعیب کے ہمراہ پریس کانفرنس کرتے ہوئے کہا کہ دوسڑکہ پولیس کی جانب سے بجلی کے تار چوری کرنے والے عناصر کے خلاف کریک ڈاؤن جاری ہے۔
پولیس نے دو مختلف کارروائیوں کے دوران 6 ملزمان کو گرفتار کر لیا ہے، جن کے قبضے سے سیکڑوں میٹر بجلی کے تار برآمد کیے گئے ہیں۔ مزید برآں وارداتوں میں استعمال ہونے والی پریمو گاڑی بھی ملزمان کے قبضے سے برآمد کر لی گئی ہے۔
ایس ڈی پی او نے کہا کہ دوسڑکہ سرکل کے قیام کے بعد پولیس تھانہ دوسڑکہ نے مختلف مقدمات میں مطلوب 15 سے زائد اشتہاری اور مفرور ملزمان کو گرفتار کیا ہے، جبکہ جرائم پیشہ عناصر کے خلاف کارروائیاں آئندہ بھی جاری رہیں گی۔