شہریوں کو بنیادی سہولیات کی فراہمی اولین ترجیح ہے، محمد انور کاکڑ

کوئٹہ (خ ن)ایڈیشنل ڈپٹی کمشنر (جنرل) محمد انور کاکڑ کی زیر صدارت نیشنل پارٹی کے نمائندہ وفد کے ساتھ ایک اہم اجلاس منعقد ہوا، جس میں ہزارہ ٹا¶ن اور دیگر علاقوں میں پانی کی فراہمی سے متعلق مسائل پر تفصیلی غور و خوض کیا گیا۔اجلاس کے دوران وفد نے عوام کو درپیش مشکلات، پانی کی قلت اور فراہمی کے نظام سے متعلق مختلف امور پر اپنے تحفظات اور تجاویز پیش کیں۔ اس موقع پر ہزارہ ٹا¶ن میں واسا کے مختلف ٹیوب ویلز کی فعالیت، عملے کی دستیابی، پانی کی ترسیلی لائنوں کی صورتحال اور فراہمی آب سے متعلق دیگر تکنیکی و انتظامی معاملات پر بھی تفصیلی بات چیت کی گئی۔ایڈیشنل ڈپٹی کمشنر محمد انور کاکڑ نے وفد کے مسائل اور تجاویز کو غور سے سنا اور متعلقہ اداروں کے ساتھ رابطے کے ذریعے درپیش مسائل کے حل کے لیے م¶ثر اقدامات اٹھانے کی یقین دہانی کرائی۔انہوں نے کہا کہ شہریوں کو بنیادی سہولیات کی فراہمی ضلعی انتظامیہ کی اولین ترجیحات میں شامل ہے اور پانی سے متعلق مسائل کے حل کے لیے ہر ممکن تعاون فراہم کیا جائے گا۔

Browse Posts

پشتونخوا میپ اور این ڈی ایم کا مشترکہ جمہوری جدوجہد پر اتفاق

سردارزادہ فیصل خان جمالی عوامی خدمت اور ترقیاتی منصوبوں میں نمایاں کردار ادا کر رہے ہیں، میر مرزا خان مینگل

لاڑکانہ عدالت نے سابقہ ایس ایچ او کو دو برس قید کی سزا سنادی