حاجی نبی بخش جسکانی کو دوبارہ صدر منتخب ہونے پر مبارکباد، پارٹی کو مزید مضبوط بنانے کی امید

سکھر (رپورٹ: اسلم سومرو) پاکستان پیپلز پارٹی تعلقہ روہڑی کے صدر حاجی نبی بخش جسکانی سے یوسی لائق خان جسکانی کے چیئرمین پرویز علی جسکانی اور سماجی و سیاسی شخصیت مرتضیٰ سومرو نے ملاقات کی اور انہیں ایک بار پھر پاکستان پیپلز پارٹی تعلقہ روہڑی کا صدر منتخب ہونے پر دلی مبارکباد پیش کی اس موقع پر چیئرمین پرویز علی جسکانی اور مرتضیٰ سومرو نے حاجی نبی بخش جسکانی کی سیاسی، سماجی اور تنظیمی خدمات کو سراہتے ہوئے کہا کہ ان کی قیادت میں پاکستان پیپلز پارٹی تعلقہ روہڑی مزید مضبوط، منظم اور فعال ہوگی۔ انہوں نے امید ظاہر کی کہ حاجی نبی بخش جسکانی پارٹی کارکنوں کو ساتھ لے کر چلتے ہوئے عوامی مسائل کے حل اور تنظیمی استحکام کے لیے اپنی کوششیں مزید تیز کریں گے۔