سری لنکا کے اعزازی قونصل جنرل کی وزیر اطلاعات پنجاب سے ملاقات

بہاولپور(نمائندہ خصوصی)گلوبل ٹائمز میڈیا یورپ کے مطابق سری لنکا کے اعزازی قونصل جنرل کی وزیر اطلاعات پنجاب سے ملاقات۔دونوں ممالک کے درمیان مختلف شعبوں میں تعاون بڑھانے پر بات چیت۔منشیات فروشوں کے لئے اب پنجاب میں چھپنے کے لئے کوئی جگہ نہیں۔عظمیٰ بخاری۔تفصیلات کے پاکستان میں سری لنکا کے اعزازی قونصل جنرل یٰسین جوئیہ کی پنجاب کی وزیر اطلاعات عظمیٰ بخاری سے ان کے دفتر میں ملاقات ہوئی جہاں صوبائی سیکرٹری اطلاعات طاہر رضا ہمدانی کے علاوہ سماجی کارکن ذوالفقار حسین کے علاوہ سید محسن بھی موجود تھے۔اعزازی قونصل جنرل یٰسین جوئیہ نے وزیر اطلاعات سے گفتگو کے دوران دونوں ممالک کے درمیان مختلف شعبوں میں تعاون بڑھانے کے علاوہ منشیات جیسی لعنت پر قابو پانے کے لئے منشیات کے عادی افراد کے علاج معالجے پر بھی بات کی۔صوبائی وزیر اطلاعات عظمیٰ بخاری نے دوران گفتگو کہا کہ پنجاب میں منشیات فروشوں کے لئے اب کوئی جگہ نہیں اور منشیات فروشی پر حکومت زیرو ٹالرینس ہے۔انہوں نے مزید کہا کہ حکومت منشیات فروشی کے خاتمہ کے لئے انتہائی سنجیدہ ہے اور تعلیمی اداروں میں منشیات کے استعمال کو کسی بھی صورت برداشت نہیں کیا جاۓ گا جس کی وجہ سے حکومت پنجاب کی جانب سے تعلیمی اداروں میں منشیات کے تدارک کیلئے مہم بھی چلائی گئی کیوں کہ نوجوان نسل کو منشیات سے محفوظ بنانا حکومت کی اولین ترجیحات میں شامل ہے۔انہوں نے اس حوالے سے سماجی تنظیم ڈرگ ایڈوایزری ٹریننگ حب کی منشیات کے تدارک کے لئے کوششوں کی تعریف کرتے ہوئے یقین دلایا کہ مستقبل میں حکومت منشیات کے خاتمے اور آگاہی کے لئے سماجی تنظیم ڈرگ ایڈوایزری ٹریننگ حب کے ساتھ تعاون کو یقینی بناۓ گی۔

Browse Posts

کل ذہین شخصیت وائٹ ہاؤس کا دورہ کرے گی، بڑا سرپرائز مل سکتا ہے، ٹرمپ

وزیراعظم نے ڈیزل کی قیمت میں بڑی کمی کی منظوری دے دی

ایران کا تمام جہازوں کیلیے آبنائے ہرمز کھولنے کا اعلان