کوئٹہ: سریاب روڈ پر گرین بس پر فائرنگ، سروس معطل

کوئٹہ سریاب روڈ پر گرین بس پر فائرنگ کا افسوسناک واقعہ پیش آیا۔ جسکی وجہ سے بس سروس معطل کردی گئی۔ اطلاعات کے مطابق نامعلوم افراد نے سریاب روڈ پر بس کے عقب سے دو فائر کیے جس کے نتیجے میں بس کو جزوی نقصان پہنچا، تاہم خوش قسمتی سے کوئی جانی نقصان نہیں ہوا۔ پولیس نے فوری طور پر جائے وقوعہ پر پہنچ کر شواہد اکٹھے کیے اور تحقیقات کا آغاز کر دیا ہے جبکہ متاثرہ فریق کی جانب سے متعلقہ تھانے میں مقدمہ درج کرانے کی کارروائی جاری ہے۔
عوامی سہولت پر حملہ دراصل شہر کے امن، ترقی اور عوام کے اعتماد پر حملہ ہے۔ جو عناصر سرکاری و عوامی املاک کو نقصان پہنچاتے ہیں وہ اس شہر کے بھی دشمن ہیں اور عوام کے بھی۔