چوکی انچارج علی گل کی تعیناتی کے بعد علیوان میں امن و امان کی صورتحال بہتر، شہریوں کا اظہارِ اطمینان

سکھر (رپورٹ: اسلم سومرو)چوکی انچارج علی گل کی تعیناتی کے بعد علیوان میں امن و سکون کی فضا، شہریوں نے سکھ کا سانس لے لیا علیوان میں چوکی انچارج علی گل کی تعیناتی کے بعد علاقے کے عوام نے سکون کا سانس لینا شروع کر دیا ہے۔ علاقہ مکینوں کے مطابق رات کے اوقات میں بھی امن و سکون کی فضا قائم ہونے سے شہری اطمینان کے ساتھ اپنے گھروں میں سو رہے ہیں۔ چوکی انچارج علی گل کی جانب سے امن و امان کی صورتحال بہتر بنانے اور عوام کے تحفظ کے لیے کیے جانے والے اقدامات کو شہریوں کی جانب سے سراہا جا رہا ہے علاقہ مکینوں کا کہنا ہے کہ امن و امان کا قیام عوام کی بنیادی ضرورت ہے، پولیس کی مؤثر موجودگی اور گشت سے شہریوں میں تحفظ کا احساس پیدا ہوتا ہے۔ انہوں نے امید ظاہر کی کہ چوکی انچارج علی گل اسی جذبے کے ساتھ اپنی ذمہ داریاں ادا کرتے رہیں گے تاکہ علیوان میں امن و امان کی فضا برقرار رہے شہریوں نے اعلیٰ پولیس حکام سے بھی مطالبہ کیا ہے کہ علاقے میں امن و امان برقرار رکھنے کے لیے پولیس کی نگرانی اور گشت کا سلسلہ جاری رکھا جائے۔