میر خدا بخش بنگلزئی کی زیرِ صدارت بی این پی مینگل نصیرآباد ڈویژن کا اجلاس

میر خدا بخش بنگلزئی کی زیرِ صدارت نصیرآباد ڈویژن کا اجلاس، بی این پی مینگل کو مزید فعال بنانے کا عزم

ڈیرہ مراد جمالی۔۔۔
(رپورٹ محمد یونس عمرانی)

بلوچستان نیشنل پارٹی (مینگل) نصیرآباد ڈویژن کا تنظیمی اجلاس ضلعی صدر نصیرآباد ماما میر خدا بخش بنگلزئی کی زیرِ صدارت منعقد ہوا، جس میں پارٹی کے مرکزی، ڈویژنل اور ضلعی عہدیداران سمیت سینئر رہنماؤں اور کارکنوں نے شرکت کی۔ اجلاس میں مرکزی کسان سیکرٹری میر نذیر احمد کھوسہ، ممبر واجہ یعقوب بلوچ، سینئر رہنما میر عبدالغفور مینگل، ضلعی صدر سبی حمید اللہ بلوچ، جنرل سیکرٹری سبی سلطان احمد دیہال، ضلعی آرگنائزر کچھی میر فاروق خان مینگل، ڈپٹی آرگنائزر حمل بلوچ، ضلعی صدر جھل مگسی نثار احمد لاشاری، ضلعی صدر جعفرآباد بشیر احمد مینگل، سینئر نائب صدر جعفرآباد میر رفیق بلوچ، ضلعی آرگنائزر اوستہ محمد بابو دھنی بخش مینگل، ضلعی صدر جیکب آباد گلاب خان مینگل، جنرل سیکرٹری نصیرآباد میر عبدالباقی مینگل اور نصیرآباد کے سینئر رہنما میر علی دوست عمرانی سمیت دیگر رہنماؤں نے شرکت کی اجلاس کے دوران پارٹی کے تنظیمی امور، سیاسی سرگرمیوں اور موجودہ سیاسی صورتحال پر تفصیلی تبادلہ خیال کیا گیا۔ اس موقع پر شرکاء نے خطاب کرتے ہوئے کہا کہ بلوچستان نیشنل پارٹی کے قائد سردار اختر جان مینگل کی بلوچستان کے حقوق اور قومی سیاست کے حوالے سے خدمات قابلِ تحسین ہیں۔ انہوں نے کہا کہ پارٹی کو ڈویژن اور ضلعی سطح پر مزید منظم، فعال اور مضبوط بنانے کے لیے تمام رہنما اور کارکن اپنا بھرپور کردار ادا کریں گے۔ شرکاء نے اس عزم کا اظہار کیا کہ پارٹی کا سیاسی پیغام عوام تک پہنچانے، عوامی مسائل کو اجاگر کرنے اور تنظیمی سرگرمیوں کو مؤثر بنانے کے لیے مشترکہ جدوجہد جاری رکھی جائے گی۔