نوڈیرو کے سیاسی و سماجی رہنماء سب انسپکٹر کراچی کے اسپتال میں انتقال کر گئے

نوڈیرو (رپورٹ:عابد بھٹو) نوڈیرو شہر کی سیاسی و سماجی طور پر متحرک شخصیت، سندھ پولیس کے سب انسپکٹر حبدار علی منگنیجو انتقال کرگئے تفصیلات کے مطابق شہر میں سیاسی و سماجی طور پر متحرک رہنے والے سندھ پولیس کے سب انسپکٹر حبدار علی منگنیجو کراچی کے اسپتال میں بیماری سے لڑتے ہوئے زندگی کی جنگ ہار گئے۔ان کے انتقال کی خبر پر بھائیوں رضا منگنیجو، نثار منگنیجو اور دیگر ورثاء سمیت دوستوں، عزیزوں اور شہر بھر میں سوگ کی لہر چھا گئی۔مرحوم کی نماز جنازہ المصطفیٰ عیدگاہ نوڈیرو میں ادا کی گئی، جس میں سیاسی، سماجی، مذہبی، ادبی، کاروباری اور صحافی تنظیموں کے رہنماؤں سمیت شہریوں اور علاقہ مکینوں نے بڑی تعداد میں شرکت کی۔مرحوم کو آبائی قبرستان میں سپردِ خاک کر دیا گیا، جبکہ ورثاء سے تعزیت قاری صاحب والی مسجد کے قریب ان کی رہائشگاہ پر جاری ہے ۔