خاتون صحافی عطیہ اکرم کو ہراساں کرنے اور امین اللہ مینگل پر تشدد کی مذمت

بی این پی عوامی کے مرکزی انفارمیشن سیکرٹری ڈاکٹر ناشناس لہڑی کی صحافی امین اللہ مینگل اور عطیہ اکرم کو ہراساں کرنے اور تشدد کا نشانہ بنانے کی مذمت، تحفظ یقینی بنانے کا مطالبہ

اے آر وائی کی خاتون رپورٹر عطیہ اکرم کو حراساں اور کیمرہ مین امین اللہ مینگل پر تشدد کے واقعے کی شدید مذمت کرتے ہیں

کوئٹہ (پ ر) بلوچستان نیشنل پارٹی (عوامی) کے مرکزی انفارمیشن سیکرٹری ڈاکٹر ناشناس لہڑی کا اے آر وائی نیوز کی خاتون رپورٹر عطیہ اکرم کو ہراساں کرنے، دھمکیاں دینے اور ان کے شوہر کیمرہ مین امین اللہ مینگل پر تشدد کے واقعے کی شدید مذمت کرتے ہوئے ملزمان کی فوری گرفتاری کا مطالبہ کیا ہے۔انہوں نے کہا کہ بلوچستان میں صحافی پہلے ہی عدم تحفظ، معاشی مشکلات، تنخواہوں میں تاخیر، پیشہ ورانہ دباؤ اور آزادانہ صحافتی فرائض کی انجام دہی میں مختلف رکاوٹوں کا سامنا کر رہے ہیں۔ ایسے حالات میں صحافیوں کو ہراساں کرنا اور تشدد کا نشانہ بنانا آزادیِ صحافت اور آزادیِ اظہار پر حملہ ہے جس سے صحافتی برادری میں تشویش پائی جاتی ہے۔انہوں نے مطالبہ کیا کہ متعلقہ حکام واقعے کی شفاف تحقیقات کرکے ملوث ملزمان کو فوری گرفتار کریں اور صحافیوں، بالخصوص خواتین صحافیوں، کے تحفظ کے لیے مؤثر اقدامات کیے جائیں تاکہ صحافی بلا خوف و خطر اپنے پیشہ ورانہ فرائض انجام دے سکیں۔