خضدار میں مائنز پر کام کرنے والے متعدد مزدور اغواء، فائرنگ سے ایک شخص زخمی

خضدار: بلوچستان کے ضلع خضدار کی تحصیل نال کے علاقے بیسار میں گزشتہ شب مسلح افراد نے سردارزادہ شاہ میر بزنجو کی مائنز پر کام کرنے والے متعدد مزدوروں کو اغواء کرلیا، جبکہ فائرنگ کے نتیجے میں ایک شخص زخمی ہوگیا۔
اطلاعات کے مطابق مسلح افراد مزدوروں کو ایک پک اَپ اور ایک دوسری گاڑی میں اپنے ہمراہ لے گئے۔ اغواء ہونے والے مزدوروں کا تعلق نال اور وڈھ سے بتایا جارہا ہے۔
واقعے میں زخمی ہونے والے شخص کی شناخت راشد ولد غلام اللہ، قوم بزنجو، عمر 26 سال، ساکن دارکھالہ وڈھ کے نام سے ہوئی ہے۔ اسے دائیں پاؤں میں گولی لگی، تاہم اطلاعات کے مطابق اس کی حالت خطرے سے باہر ہے۔
واقعے سے متعلق مزید تفصیلات اور اغواء ہونے والے مزدوروں کی درست تعداد تاحال سامنے نہیں آئی۔