ڈپٹی کمشنر حب جمعہ داد خان کا BSDI فیز تھری کی ترقیاتی اسکیموں کا معائنہ

حب( نمائندہ خصوصی)

ڈپٹی کمشنر حب جمعہ داد خان کا BSDI فیز تھری کے تحت جاری ترقیاتی اسکیموں کا دورہ کیا کام کے معیار اور پیش رفت کا جائزہ لیا۔

تفصیلات کے مطابق

ڈپٹی کمشنر حب جمعہ داد خان مندوخیل نے BSDI فیز تھری کے تحت ضلع حب میں جاری مختلف ترقیاتی اسکیموں کا تفصیلی دورہ کیا اور منصوبوں پر ہونے والی پیش رفت، معیار اور تکمیل کے مراحل کا جائزہ لیا۔
دورے کے دوران ڈپٹی کمشنر نے ڈسٹرکٹ جیل گڈانی میں سولرائزیشن کے منصوبے، گورنمنٹ بوائز ہائی اسکول اور گورنمنٹ گرلز اسکول میں آئی ٹی لیبز کے قیام اور بلدیہ پارک گڈانی کی تزئین و آرائش و بہتری کے منصوبے کا معائنہ کیا اس موقع پر انہوں نے متعلقہ حکام سے منصوبوں کی موجودہ صورتحال، کام کی رفتار اور معیار کے حوالے سے تفصیلات حاصل کیں۔
ڈپٹی کمشنر نے ہدایت کی کہ تمام ترقیاتی اسکیموں پر کام مقررہ معیار اور منظور شدہ ڈیزائن کے مطابق مکمل کیا جائے، جبکہ منصوبوں کی بروقت تکمیل کو یقینی بنانے کے لیے مؤثر نگرانی کی جائے۔
انہوں نے کہا کہ BSDI کے تحت جاری منصوبوں کا مقصد عوام کو بہتر بنیادی سہولیات فراہم کرنا، تعلیمی اداروں میں جدید آئی ٹی سہولیات متعارف کرانا اور شہری تفریحی مقامات کو بہتر بنانا ہے۔
دورے کے موقع پر اسسٹنٹ انجینئر میونسپل کمیٹی حب اور چیئرمین میونسپل کمیٹی حب بھی ڈپٹی کمشنر کے ہمراہ تھے۔