دکی میں گھریلو ناچاقی پر بھائی کی فائرنگ سے دوسرا بھائی جاں بحق، ملزم فرار

دکی میں گھریلو ناچاقی پر بھائی کی فائرنگ سے دوسرا بھائی جاں بحق، ملزم فرار

غریب آباد میں فائرنگ کا واقعہ، پولیس نے لاش ضروری کارروائی کے بعد لواحقین کے حوالے کردی

دکی: بلوچستان کے ضلع دکی کے علاقے غریب آباد میں گھریلو ناچاقی کے باعث پیش آنے والے فائرنگ کے واقعے میں ایک شخص جاں بحق ہوگیا۔

پولیس کے مطابق گھریلو ناچاقی پر ایک شخص نے فائرنگ کرکے اپنے بھائی حبیب الرحمن ولد عبدالسلام کو قتل کردیا اور واردات کے بعد موقع سے فرار ہوگیا۔

واقعے کے بعد پولیس نے مقتول کی لاش ضروری کارروائی مکمل کرنے کے بعد لواحقین کے حوالے کردی۔ واقعے سے متعلق مزید تفصیلات تاحال سامنے نہیں آسکیں۔