گوادر: جیونی میں تیل بردار کشتیوں پر فائرنگ، ناخدا اور شاگرد سمیت 2 افراد جاں بحق، متعدد زخمی

چل ہور کے ساحلی علاقے میں فائرنگ کا واقعہ، زخمیوں کو علاج کے لیے گوادر منتقل کیا جا رہا ہے

گوادر: جیونی کے ساحلی علاقے چل ہور میں تیل بردار کشتیوں پر فائرنگ کے نتیجے میں ناخدا اور اس کے شاگرد سمیت دو افراد جاں بحق جبکہ متعدد افراد زخمی ہوگئے۔

ذرائع کے مطابق فائرنگ کے واقعے میں زخمی ہونے والوں کو طبی امداد کے لیے گوادر منتقل کیا جا رہا ہے۔

واقعے کی مزید تفصیلات تاحال سامنے نہیں آسکیں، جبکہ فائرنگ کے محرکات اور واقعے میں ملوث افراد کے بارے میں بھی معلومات سامنے آنا باقی ہیں۔