سونا عالمی اور مقامی مارکیٹوں میں مہنگا ہوگیا، چاندی کی قیمت مستحکم

کراچی: عالمی اور مقامی صرافہ مارکیٹوں میں سونے کی قیمتوں میں اضافہ ہوگیا، جبکہ چاندی کے نرخ مستحکم رہے۔

بین الاقوامی بلین مارکیٹ میں سونے کی فی اونس قیمت 9 ڈالر اضافے کے بعد 4 ہزار 183 ڈالر ہوگئی۔

عالمی مارکیٹ میں قیمت بڑھنے کے اثرات مقامی صرافہ بازاروں میں بھی دیکھنے میں آئے، جہاں 24 قیراط فی تولہ سونا 900 روپے مہنگا ہوکر 4 لاکھ 40 ہزار 836 روپے کا ہوگیا۔

اسی طرح 10 گرام سونے کی قیمت میں 771 روپے کا اضافہ ریکارڈ کیا گیا، جس کے بعد نئی قیمت 3 لاکھ 77 ہزار 945 روپے ہوگئی۔

دوسری جانب چاندی کی قیمتوں میں کوئی تبدیلی نہیں ہوئی۔ مقامی مارکیٹ میں فی تولہ چاندی 6 ہزار 532 روپے جبکہ 10 گرام چاندی 5 ہزار 600 روپے پر برقرار رہی۔