گندم اور آٹے کی بڑھتی قیمتوں سے صارفین پریشان

لاہور: گندم اور آٹے کی بڑھتی قیمتوں نے شہریوں، بالخصوص کم آمدنی والے طبقے کی مشکلات میں اضافہ کردیا ہے۔ لاہور کی اوپن مارکیٹ میں گندم کی فی من قیمت 4 ہزار 700 روپے سے بڑھ کر 5 ہزار 400 روپے تک پہنچ گئی، جبکہ 15 کلو آٹے کا تھیلا 2 ہزار 350 روپے میں فروخت ہونے لگا ہے۔

آٹے کی قیمتوں میں اضافے سے پریشان شہریوں نے وزیراعلیٰ پنجاب مریم نواز شریف سے فوری نوٹس لینے کا مطالبہ کیا ہے۔

کم آمدنی والے طبقے کا کہنا ہے کہ مہنگائی کے باعث روزمرہ ضروریات پوری کرنا مشکل ہوتا جارہا ہے، اس لیے حکومت آٹے اور دیگر اشیائے خوردونوش کی قیمتوں میں کمی کے لیے فوری اقدامات کرے۔