وزیراعظم کا مولانا فضل الرحمان سے رابطہ، سیاسی صورتحال پر تبادلہ خیال

اسلام آباد: وزیراعظم شہباز شریف نے جمعیت علمائے اسلام (ف) کے سربراہ مولانا فضل الرحمان سے ٹیلیفونک رابطہ کیا، جس میں ملک کی مجموعی سیاسی صورتحال اور خیبر پختونخوا کے حالات، خصوصاً پی ٹی آئی کے لانگ مارچ پر تبادلہ خیال کیا گیا۔

ذرائع کے مطابق گفتگو کے دوران معاملات کو افہام و تفہیم کے ذریعے حل کرنے کے معاملے پر بھی بات ہوئی۔ مولانا فضل الرحمان نے ایک بار پھر اس مؤقف کا اعادہ کیا کہ سیاسی معاملات کو بات چیت کے ذریعے حل کیا جانا چاہیے۔

ذرائع کا کہنا ہے کہ وزیراعظم شہباز شریف نے گفتگو میں کہا کہ وفاقی حکومت نے مسائل کو سیاسی انداز میں حل کرنے کے لیے ہر ممکن کوشش کی ہے۔