کرک میں خوارج کی فائرنگ سے شہید پولیس اہلکاروں کی نماز جنازہ ادا

پشاور: خیبر پختونخوا کے ضلع کرک میں فائرنگ کے واقعے میں شہید ہونے والے ایس ایچ او داؤد خان اور پولیس اہلکار فرہاد کی نمازِ جنازہ ادا کردی گئی۔

نمازِ جنازہ میں پولیس افسران اور اہلکاروں کی بڑی تعداد نے شرکت کی۔ اس موقع پر پولیس کے چاق و چوبند دستے نے شہداء کو سلامی پیش کی اور پھول چڑھائے۔

نمازِ جنازہ کی ادائیگی کے بعد شہداء کے جسدِ خاکی مکمل سرکاری اعزاز کے ساتھ تدفین کے لیے ان کے آبائی علاقوں کو روانہ کردیے گئے۔

رپورٹ کے مطابق وزیراعلیٰ خیبر پختونخوا اور صوبائی حکومت کا کوئی نمائندہ نمازِ جنازہ میں شریک نہیں ہوا۔ واقعے کے بعد صوبائی حکومت کی عدم شرکت پر بھی سوالات اٹھائے گئے ہیں۔