لنک شاہوانی روڈ پر ون ویلنگ کے خلاف کارروائی کی ہدایت

کوئٹہ: ڈپٹی کمشنر کوئٹہ ویسٹ منیر احمد درانی نے نوٹس لیتے ہوئے لنک شاہوانی روڈ پر ون ویلنگ، بائیک ریسنگ اور خطرناک ڈرائیونگ کے خلاف کارروائی کی ہدایت کردی۔

ذرائع کے مطابق لنک شاہوانی روڈ پر نوجوانوں کی جانب سے ون ویلنگ، موٹر سائیکل ریسنگ اور تیز رفتار ڈرائیونگ کے باعث شہریوں کو مشکلات اور حادثات کا خدشہ لاحق ہے۔ کوئٹہ سٹی نیوز HD کی جانب سے معاملہ سامنے لائے جانے پر ڈپٹی کمشنر کوئٹہ ویسٹ منیر احمد درانی نے متعلقہ حکام کو فوری اقدامات کی ہدایت کی۔

ضلعی انتظامیہ نے شہریوں سے اپیل کی ہے کہ ٹریفک قوانین کی پابندی کریں اور ون ویلنگ سمیت خطرناک ڈرائیونگ سے گریز کریں، کیونکہ ایسی سرگرمیاں نہ صرف خود ڈرائیور بلکہ دیگر شہریوں کی زندگیوں کے لیے بھی خطرہ بن سکتی ہیں۔

انتظامیہ کا کہنا ہے کہ محفوظ سفر کے لیے ذمہ دارانہ ڈرائیونگ اور ٹریفک قوانین پر عملدرآمد ضروری ہے۔