ڈیرہ بگٹی عنایت شاہ دربار پل پر مسلح افراد کی فائرنگ، 6 ایف سی اہلکار اور ڈرائیور شہید

ڈیرہ بگٹی میں عنایت شاہ دربار کے قریب پل پر نامعلوم مسلح افراد نے سول گاڑی پر فائرنگ کردی، جس کے نتیجے میں گاڑی میں سوار 6 ایف سی اہلکار شہید ہوگئے۔ فائرنگ کی زد میں آکر گاڑی کا ڈرائیور علی شیر نوسانی بگٹی بھی جاں بحق ہوگیا۔
ذرائع بولتا بلوچستان کے مطابق ایف سی اہلکار سول گاڑی میں ڈیرہ بگٹی سے کشمور کی جانب جا رہے تھے کہ عنایت شاہ دربار پل کے قریب گھات لگائے مسلح افراد نے گاڑی کو شدید فائرنگ کا نشانہ بنایا، جس سے گاڑی گولیوں سے چھلنی ہوگئی۔
ذرائع بولتا بلوچستان کے مطابق واقعے کی اطلاع ملتے ہی پولیس موقع پر پہنچ گئی اور علاقے کو گھیرے میں لے لیا، جبکہ واقعے سے متعلق مزید تفصیلات سامنے آنے کا انتظار ہے