کوئٹہ: پیپلز شٹل ٹرین کا افتتاح دوسری مرتبہ ملتوی

کوئٹہ: سیکیورٹی خدشات کے باعث ریلوے اور بلوچستان حکومت کے اشتراک سے تیار کی گئی پیپلز شٹل ٹرین کا افتتاح دوسری مرتبہ ملتوی کردیا گیا۔

ذرائع کے مطابق موجودہ سیکیورٹی صورتحال کے پیش نظر ٹرین سروس شروع کرنے کی نئی تاریخ فی الحال مقرر نہیں کی گئی۔ حکام کی جانب سے نئی افتتاحی تاریخ کا اعلان بعد میں کیا جائے گا۔

ریلوے اور بلوچستان حکومت کے اشتراک سے تیار کی گئی شٹل ٹرین کا مقصد کوئٹہ اور گردونواح کے مسافروں کو سفری سہولت فراہم کرنا ہے۔