قائم مقام چیئرمین سینیٹ سیدال خان ناصر کی سابق سینیٹر نصیب اللہ بازئی کی عیادت

قائم مقام چیئرمین سینیٹ سیدال خان ناصر نے الشفا انٹرنیشنل ہسپتال اسلام آباد میں زیرِ علاج سابق سینیٹر نصیب اللہ بازئی کی عیادت کی اور ان کی خیریت دریافت کی۔

سیدال خان ناصر نے سابق سینیٹر کی صحت سے متعلق معلومات حاصل کیں اور ان کی جلد اور مکمل صحتیابی کے لیے نیک خواہشات کا اظہار کیا۔

اس موقع پر قائم مقام چیئرمین سینیٹ نے کہا کہ نصیب اللہ بازئی کی قومی و پارلیمانی خدمات قابلِ قدر ہیں۔ انہوں نے ان کی جلد صحتیابی اور مکمل تندرستی کے لیے دعا بھی کی۔

سابق سینیٹر نصیب اللہ بازئی نے عیادت اور نیک خواہشات پر سیدال خان ناصر کا شکریہ ادا کیا۔

قائم مقام چیئرمین سینیٹ نے دعا کی کہ اللہ تعالیٰ نصیب اللہ بازئی کو جلد صحتِ کاملہ عطا فرمائے اور انہیں مکمل صحت و تندرستی کے ساتھ معمولاتِ زندگی کی طرف واپسی کی توفیق دے۔