کوئٹہ میں غیر رجسٹرڈ فارمولا دودھ کے خلاف کارروائی، 14 افراد گرفتار

کوئٹہ میں غیر رجسٹرڈ فارمولا دودھ کے خلاف کارروائی، 14 افراد گرفتار

کوئٹہ میں غیر رجسٹرڈ و غیر معیاری بچوں کے فارمولا دودھ کے خلاف کارروائیاں، 14 افراد گرفتار، 11 یونٹس سیل 575 کلو گرام غیر رجسٹرڈ دودھ ضبط

کوئٹہ، یکم ستمبر 2026: وزیر اعلیٰ بلوچستان کی ہدایات اور ڈپٹی کمشنر کوئٹہ مہراللہ بادینی کی نگرانی میں ضلعی انتظامیہ اور متعلقہ اداروں کی جانب سے کوئٹہ میں غیر رجسٹرڈ، غیر معیاری اور غیر مجاز پیکنگ میں بچوں کے فارمولا دودھ کی فروخت کے خلاف خصوصی مہم جاری ہے۔

اس سلسلے میں ایئرپورٹ روڈ، اڈہ سرکی روڈ اور بازار ایریا میں کارروائیاں کی گئیں۔ کارروائیوں کے دوران 14 افراد کو گرفتار، 11 یونٹس کو سیل اور مجموعی طور پر 575 کلوگرام غیر معیاری و غیر رجسٹرڈ بچوں کا فارمولا دودھ ضبط کیا گیا۔

ایئرپورٹ روڈ پر کارروائی کے دوران 9 افراد گرفتار، 6 یونٹس سیل اور 250 کلوگرام فارمولا دودھ ضبط کیا گیا، جبکہ اڈہ سرکی روڈ پر 2 افراد گرفتار، 4 یونٹس سیل اور 125 کلوگرام دودھ ضبط کیا گیا۔ بازار ایریا میں 2 افراد گرفتار، 2 یونٹس سیل اور 50 کلوگرام دودھ ضبط کیا گیا۔ علاوہ ازیں ڈرگ انسپکٹرز کی کارروائی کے دوران مزید 150 کلوگرام فارمولا دودھ ضبط کیا گیا۔

ضلعی انتظامیہ کے مطابق بچوں کی صحت سے متعلق غیر رجسٹرڈ اور غیر معیاری فارمولا دودھ کی خرید و فروخت کے خلاف کارروائیاں مزید تیز کی جائیں گی اور قانون کی خلاف ورزی کرنے والوں کے خلاف بلاامتیاز قانونی کارروائی عمل میں لائی جائے گی۔