کوئٹہ پولیس میں بڑے پیمانے پر تبادلے، اہم تھانوں کے ایس ایچ اوز تبدیل

کوئٹہ: کوئٹہ پولیس میں تقرریوں اور تبادلوں کا سلسلہ جاری ہے، جس کے تحت متعدد تھانوں کے ایس ایچ اوز کو تبدیل کرکے نئی ذمہ داریاں سونپ دی گئی ہیں۔

پولیس حکام کے مطابق ایئرپورٹ تھانے کے ایس ایچ او انسپکٹر مقبول احمد گجر کو تبدیل کرکے ایس آئی او پولیس تھانہ عبدالخالق شہید تعینات کر دیا گیا ہے، جبکہ تعیناتی کے منتظر انسپکٹر امین جعفر کو ایس ایچ او ایئرپورٹ تھانہ مقرر کیا گیا ہے۔

اسی طرح ایس ایچ او نیو کچلاک انسپکٹر اکرام بازئی کو ایس ایچ او پنجپائی تعینات کر دیا گیا، جبکہ حاجی عبدالحئی گرانی کو ایس ایچ او نیو کچلاک کی ذمہ داری سونپ دی گئی ہے۔

پولیس حکام کا کہنا ہے کہ ان تبادلوں کا مقصد تھانوں کے انتظامی امور کو مزید مؤثر بنانا، امن و امان کی صورتحال بہتر کرنا اور پولیسنگ کے نظام کو فعال بنانا ہے۔ نئی تعیناتیاں فوری طور پر نافذ العمل ہوں گی۔