پاکستان کا مقبوضہ مغربی کنارے کی بگڑتی صورتحال پر اظہار تشویش، فلسطینیوں کے تحفظ کا مطالبہ

پاکستان کا مقبوضہ مغربی کنارے کی بگڑتی صورتحال پر اظہار تشویش، فلسطینیوں کے تحفظ کا مطالبہ

پاکستان نے مقبوضہ مغربی کنارے میں تیزی سے بگڑتی صورتحال پر گہری تشویش کا اظہار کرتے ہوئے عالمی برادری اور اقوام متحدہ کی سلامتی کونسل سے فوری اقدامات کا مطالبہ کیا ہے۔

اقوام متحدہ میں پاکستان کے مستقل مندوب عاصم افتخار نے خطاب میں کہا کہ اسرائیل کی جانب سے غیر قانونی آبادکاری میں توسیع اور دیگر اقدامات کا مقصد قبضے کو مستحکم کرنا اور فلسطینی سرزمین کو تقسیم کرنا ہے، جو انتہائی تشویشناک ہے۔

انہوں نے کہا کہ آبادکاروں کا تشدد فوری طور پر روکا جائے اور ذمہ دار عناصر کو قانون کے کٹہرے میں لایا جائے۔ مسجد اقصیٰ میں اشتعال انگیز کارروائیوں پر بھی پاکستان کو شدید تحفظات ہیں۔

پاکستانی مندوب نے زور دیا کہ فلسطینیوں کو فوری بین الاقوامی تحفظ فراہم کیا جائے اور سلامتی کونسل یونیسیف کی سفارشات پر مؤثر عملدرآمد یقینی بنائے۔