درختوں کی غیر قانونی کٹائی برداشت نہیں کی جائے گی، محکمہ جنگلات

کوئٹہ(رپورٹ: سمیرا راجپوت) سمنگلی روڈ پر واقع سبحان ہاو¿سنگ اسکیم میں مبینہ طور پر درختوں کی غیر قانونی کٹائی کے معاملے پر محکمہ جنگلات بلوچستان نے کارروائی کرتے ہوئے متعلقہ شخص کے خلاف چالان جاری کر دیا ہے۔محکمہ جنگلات کی جانب سے جاری کردہ چالان کے مطابق، بغیر قانونی اجازت درختوں کی کٹائی کے الزام میں متعلقہ شخص کو نوٹس جاری کرتے ہوئے مقررہ مدت کے اندر محکمہ جنگلات کے دفتر میں پیش ہو کر اپنا مو¿قف پیش کرنے کی ہدایت کی گئی ہے۔ عدم پیشی کی صورت میں بلوچستان فاریسٹ ایکٹ کے تحت مزید قانونی کارروائی کی جائے گی۔یاد رہے کہ چند روز قبل سبحان ہاو¿سنگ اسکیم کے اندر مرکزی سڑک کے دونوں اطراف موجود درختوں کی بڑے پیمانے پر کٹائی کی اطلاعات سامنے آنے پر شہریوں اور ماحولیاتی حلقوں نے شدید تشویش کا اظہار کرتے ہوئے ضلعی انتظامیہ اور محکمہ جنگلات سے فوری نوٹس لینے کا مطالبہ کیا تھا۔ماہرین کے مطابق شہری علاقوں میں درختوں کی غیر قانونی کٹائی نہ صرف ماحولیات کو نقصان پہنچاتی ہے بلکہ فضائی آلودگی، بڑھتے ہوئے درجہ حرارت اور موسمیاتی تبدیلی کے خطرات میں بھی اضافہ کرتی ہے۔ شہریوں نے مطالبہ کیا ہے کہ اس واقعے کی مکمل تحقیقات کی جائیں، اگر مزید افراد یا ادارے ملوث ہوں تو ان کے خلاف بھی قانون کے مطابق کارروائی کی جائے اور نقصان کے ازالے کے لیے فوری شجرکاری کو یقینی بنایا جائے