پی ٹی آئی بلوچستان کے زیرِ اہتمام آل پارٹیز کانفرنس، بلوچستان کے مسائل پر تفصیلی غور

اسلام آباد: پاکستان تحریکِ انصاف بلوچستان کے زیرِ اہتمام بلوچستان کی موجودہ سیاسی، آئینی اور امن و امان کی صورتحال پر مشاورت کے لیے آل پارٹیز کانفرنس (اے پی سی) کا انعقاد کیا گیا، جس میں مختلف سیاسی جماعتوں کے رہنماؤں، وکلاء، سول سوسائٹی کے نمائندوں اور دیگر اہم شخصیات نے شرکت کی۔

کانفرنس کے دوران بلوچستان کو درپیش سیاسی، آئینی اور امن و امان کے چیلنجز پر تفصیلی تبادلۂ خیال کیا گیا۔ شرکاء نے قیامِ امن، آئین کی بالادستی، جمہوری نظام کے استحکام اور عوامی حقوق کے تحفظ کو یقینی بنانے کے لیے مؤثر اور مشترکہ اقدامات کی ضرورت پر زور دیا۔