اسسٹنٹ کمشنر مسلم باغ ماجد سلیم کی تحصیل دفتر کے عملے سے تعارفی ملاقات

اسسٹنٹ کمشنر مسلم باغ جناب ماجد سلیم نے اپنے عہدے کا چارج سنبھالنے کے بعد تحصیل دفتر کے افسران اور عملے کے ساتھ تعارفی اجلاس منعقد کیا۔
اجلاس کے دوران مختلف انتظامی و دفتری امور پر بریفنگ دی گئی، جبکہ تحصیل کے انتظامی معاملات، عوامی خدمات اور آئندہ کے لائحہ عمل پر تفصیلی تبادلۂ خیال کیا گیا۔
اس موقع پر اسسٹنٹ کمشنر مسلم باغ ماجد سلیم نے کہا کہ حکومتِ بلوچستان کے وژن کے مطابق عوامی مسائل کے بروقت اور میرٹ پر حل کو اولین ترجیح دی جائے گی۔ انہوں نے اس عزم کا اظہار کیا کہ تحصیل انتظامیہ عوام کو بہتر، شفاف اور مؤثر خدمات کی فراہمی کے لیے ہر ممکن اقدامات کرے گی اور عوامی شکایات کے ازالے میں کوئی کسر اٹھا نہیں رکھی جائے گی۔