کوئٹہ اور مستونگ میں آج ترقیاتی کاموں اور لائنوں کی شفٹنگ کے باعث بجلی بند رہےگی،کیسکو

کوئٹہ الیکٹرک سپلائی کمپنی (کیسکو) کے اعلامیہ کے مطابق کوئٹہ شہر کے مختلف علاقوں میں ترقیاتی کاموں کے سلسلے میں بجلی کے کھمبوں کی تنصیب اور لائنوں کی شفٹنگ کیے جا رہے ہیں۔ اس سلسلے میںآج 30 جون کو (بروز منگل) سریاب گرڈ اسٹیشن کے 11kv خیر بخش مری، جائنٹ روڈ، غوث آباد، کرانی، انڈسٹریل، اولڈ لیاقت بازار فیڈرز جبکہ شیخ ماندہ گرڈ اسٹیشن کے 11kv ویسٹرن بائی پاس، جبل نور، داریم، خروٹ آباد اور دوستین فیڈروں سے صبح 10 بجے تا دوپہر 2 بجے بجلی بند رہے گی، نیز اسی روز انڈسٹریل گرڈ اسٹیشن کے سریاب مل، شاہنواز، شموزئی، ایف جی ایس اور واسا فیڈر جبکہ زرغون گرڈ اسٹیشن کے 11kv نواں کلی بائی پاس، صاحبزادہ فیڈروں سے دن 11 بجے سے سہ پہر 3 بجے تک بجلی بند ہوگی۔اس کے علاوہ 30 جون کے روز مستونگ گرڈ اسٹیشن پر ضروری مرمتی کام کے لیے 11kv سٹی ون، سٹی ٹو، سٹی تھری، کیڈٹ کالج، نواب غوث بخش رئیسانی ہسپتال فیڈروں سے صبح 10 بجے سے دوپہر 2 بجے تک بجلی کی فراہمی معطل رہے گی۔ تاہم کیسکو نے بجلی بندش پر زحمت کے لیے متعلقہ صارفین سے پیشگی معذرت اور تعاون کی اپیل کی ہے۔