کوئٹہ: وحدت کالونی میں افسوسناک واقعہ، ایک ہی خاندان کے 6 افراد جاں بحق

کوئٹہ کے علاقے وحدت کالونی میں ایک دل دہلا دینے والا واقعہ پیش آیا، جہاں ابتدائی اطلاعات کے مطابق ایک شخص نے مبینہ طور پر اپنی اہلیہ اور چار بچوں کو قتل کرنے کے بعد خودکشی کر لی۔

واقعے کی اطلاع ملتے ہی قانون نافذ کرنے والے ادارے فوری طور پر موقع پر پہنچ گئے اور علاقے کو گھیرے میں لے کر شواہد اکٹھے کرنے کا عمل شروع کر دیا۔ پولیس کے مطابق واقعے کی مختلف پہلوؤں سے تفتیش جاری ہے اور حتمی حقائق تحقیقات مکمل ہونے کے بعد سامنے آئیں گے۔

ابتدائی طور پر واقعے کی وجوہات معلوم نہیں ہو سکیں، تاہم پولیس تمام زاویوں سے معاملے کا جائزہ لے رہی ہے۔ افسوسناک واقعے کے بعد علاقے میں سوگ کی فضا چھا گئی ہے اور شہریوں نے گہرے دکھ اور افسوس کا اظہار کیا ہے۔

حکام کا کہنا ہے کہ تحقیقات مکمل ہونے کے بعد مزید تفصیلات جاری کی جائیں گی۔