کوئٹہ میں پیٹرول کی بلا تعطل فراہمی جاری، تمام پمپ مکمل فعال

کوئٹہ: ڈپٹی کمشنر کوئٹہ مہراللہ بادینی کی ہدایات پر ضلع بھر میں پیٹرول کی فراہمی بلا تعطل جاری ہے۔ شہر کے تمام پیٹرول پمپ مکمل طور پر فعال ہیں اور کسی قسم کے بحران کی اطلاع نہیں۔

ضلعی انتظامیہ کے افسران اپنے اپنے سب ڈویژنز میں فیلڈ ڈیوٹی انجام دے رہے ہیں اور پیٹرول پمپس کی مسلسل نگرانی کر رہے ہیں۔

ڈی سی آفس کا کنٹرول روم بھی مکمل فعال ہے جو صورتحال کی 24 گھنٹے مانیٹرنگ کر رہا ہے۔

عوام ایسے خبروں پر کان نہ دھریں، ضلعی انتظامیہ دن رات اپنی ذمہ داریاں نبھا رہی ہے اور عوام تک پیٹرول کی فراہمی کو آسان بنا رہی ہے۔