جنگلات کے تحفظ کے لیے مؤثر اقدامات ناگزیر ہیں، سیکرٹری فاریسٹ عمران گچکی

سیکرٹری فاریسٹ عمران گچکی نے کہا ہے کہ جنگلات، جنگلی حیات اور قدرتی ماحول کا تحفظ وقت کی اہم ضرورت ہے، اور اس مقصد کے لیے حکومت کے ساتھ ساتھ عوامی سطح پر بھی مؤثر کردار ادا کرنا ناگزیر ہے۔
انہوں نے کہا کہ ماحولیاتی تبدیلی کے بڑھتے ہوئے اثرات، غیر قانونی درختوں کی کٹائی اور قدرتی وسائل پر دباؤ ہمارے ماحولیاتی نظام کے لیے بڑا چیلنج ہیں۔ تاہم محکمہ جنگلات مختلف منصوبوں اور اقدامات کے ذریعے ان مسائل سے نمٹنے کے لیے کوشاں ہے۔
سیکرٹری فاریسٹ عمران کے مطابق شجرکاری مہمات، جنگلی حیات کے تحفظ کے پروگرام، اور ماحولیاتی آگاہی مہمات کو مزید مؤثر بنایا جا رہا ہے تاکہ عوام کو اس مشن میں شریک کیا جا سکے۔
انہوں نے اس بات پر زور دیا کہ تعلیمی اداروں میں ماحولیاتی تعلیم کو فروغ دینا، قوانین پر سختی سے عمل درآمد کرنا اور مقامی کمیونٹیز کو شامل کرنا انتہائی ضروری ہے۔
انہوں نے عوام سے اپیل کی کہ وہ درخت لگانے اور ماحول کے تحفظ میں بڑھ چڑھ کر حصہ لیں کیونکہ “ایک محفوظ ماحول ہی آنے والی نسلوں کی ضمانت ہے۔”