ملک میں علماء کرام کا خون بہانا تشویشناک ہے،مولاناعبدالرحمن رفیق

کوئٹہ ()جمعیت علماء اسلام ضلع کوئٹہ کے امیر شیخ الحدیث مولانا عبدالرحمن رفیق، ضلعی جنرل سیکرٹری حاجی عین اللہ شمس، سینیئر نائب امیر مولانا خورشید احمد، مرکزی مجلسِ فقہی کے سربراہ و ضلعی سرپرستِ اعلیٰ مفتی محمد روزی خان، حاجی بشیر احمد کاکڑ، مولانا حفیظ اللہ، مولانا محمد سلیمان، حافظ دوست محمد مدنی، مولانا عبدالبصیر، حافظ رشید احمد، حاجی محمد شاہ لالا اور مفتی نیک محمد فاروقی نے کہا ہے کہ ملک جید علماء کرام، دینی شخصیات اور اہلِ علم کے لیے قتل گاہ بن چکا ہے۔ مساجد کے منبر و محراب سے لے کر گلی کوچوں اور چوک چوراہوں تک علماء کرام کا خون بے دردی سے بہایا جارہا ہے جو نہایت تشویشناک اور قابلِ مذمت امر ہے۔انہوں نے کہا کہ ریاست کی ذمہ داری تھی کہ وہ علماء کرام، مدارسِ دینیہ اور مساجد کو مؤثر تحفظ فراہم کرتی مگر افسوس کہ اہلِ حق علماء کو مسلسل عدم تحفظ، کردار کشی، نفرت انگیز پروپیگنڈے اور تشدد کا سامنا ہے۔انہوں نے کہا کہ شیخ الحدیث حضرت مولانا محمد ادریس شہیدؒ جیسے بزرگ اور جید عالمِ دین کی شہادت پوری ملتِ اسلامیہ کے لیے ایک عظیم سانحہ اور ناقابلِ تلافی نقصان ہے۔ ان کی علمی، دینی اور اصلاحی خدمات ہمیشہ یاد رکھی جائیں گی ان کی رحلت سے پیدا ہونے والا خلاء مدتوں پُر نہیں ہوسکے گا رہنماؤں نے کہا کہ شہادت سے قبل حضرت مولانا محمد ادریس شہیدؒ کے خلاف زہر آلود پروپیگنڈا مہم چلائی گئی اور بعد ازاں ان کی المناک شہادت اس امر کی غمازی کرتی ہے کہ یہ واقعہ کسی منظم سازش اور منصوبہ بندی کا حصہ ہوسکتا ہے۔ انہوں نے مطالبہ کیا کہ واقعے کی غیرجانبدار، شفاف اور فوری تحقیقات عمل میں لاکر قاتلوں، سہولت کاروں اور اس کے پسِ پردہ عناصر کو بے نقاب کیا جائے اور انہیں قرار واقعی سزا دی جائے تاکہ آئندہ ایسے افسوسناک واقعات کی روک تھام ممکن ہوسکے۔

Browse Posts

ہم وزیر اعلیٰ بلوچستان کے دس روزہ مہلت لینے کو حسن نیت کا موقع سمجھتے ہیں،حافظ حمد اللہ

تعلیم، امن اور انسانیت اور احمد خان اچکزئی کی خدمات پشتون بیلٹ کیلئے مشعلِ راہ ہیں،اےکےمیڈیاء

شیخ الحدیث مولانا محمد ادریس شہید کے قاتلوں کی عدم گرفتاری کے خلاف جے یو آئی کا احتجاجی مظاہرہ