کوئٹہ میں صفائی و حفاظتی اقدامات کیلئے انسپیکشن مہم جاری

ضلعی انتظامیہ کوئٹہ کی جانب سے صحت و صفائی اور حفاظتی اقدامات کے حوالے سے انسپیکشن مہم جاری
ڈپٹی کمشنر کوئٹہ کے احکامات پر اسسٹنٹ کمشنر کوئٹہ سٹی نے ایم سی کیو ٹیموں اور اے سی یو ٹیز کے ہمراہ پرنس روڈ، گورداسنگھ روڈ اور شواک شاہ روڈ پر مختلف ہوٹلوں، فوڈ آؤٹ لیٹس، باربر شاپس اور دیگر تجارتی مراکز کا معائنہ کیا۔
معائنے کے دوران صفائی ستھرائی، خوراک کی حفاظت اور حفاظتی اصولوں پر عملدرآمد کا جائزہ لیا گیا۔ متعدد دکانوں اور مراکز میں کھانے کی اشیاء کو غیر محفوظ طریقے سے رکھنے، مضر صحت کوکنگ آئل کے استعمال اور حفاظتی اقدامات کی خلاف ورزیوں پر نوٹسز، وارننگز اور جرمانے عائد کیے گئے۔