کَیس لاہور کافضائی طاقت اور جدید جنگی حکمت عملی پر اہم سیمینار کا انعقاد

سنٹر فار ایرو اسپیس اینڈ سکیورٹی اسٹڈیز (کَیس) لاہور نے ۳۰ اپریل ۲۰۲۶ کو “فضائی طاقت اور تنازعات کی بدلتی ہوئی نوعیت” کے عنوان سے ایک سیمینار کا انعقاد کیا۔ اس تقریب میں ماہرینِ تعلیم، دانشوروں، سینئر افسران اور متعلقہ شعبوں کے ماہرین نے شرکت کی۔ محترمہ ندإ شاہد، ایسوسی ایٹ ڈائریکٹر، کَیس لاہور نے افتتاحی خطاب کیا۔

مسٹر عامر رانا، صدر پاکستان انسٹیوٹ فار پیس سٹڈیز اسلام آبادی، نے غیر ریاستی ڈرون جنگ کے عالمی ارتقا پر روشنی ڈالتے ہوئے کہا کہ یہ ابتدائی تجربات سے آج کی جدید شکل تک پہنچ چکی ہے۔ مختلف محاذوں پر سرگرم مسلح گروہ ان نظاموں کو نگرانی، دباؤ ڈالنے اور حملہ آور کارروائیوں کے لیے مسلسل مہمات میں شامل کر رہے ہیں۔ پاکستان بھی اسی سمت میں داخل ہو رہا ہے، جہاں مسلح کواڈکاپٹرز غیر تسلیم شدہ اور وقتی واقعات سے نکل کر جغرافیائی طور پر پھیلے ہوئے اور معمول کے ہتھیار کے طور پر غیر ریاستی عناصر کے زیر استعمال آ رہے ہیں۔ اس صورتحال سے کشیدگی میں اضافے کے خطرات پیدا ہو رہے ہیں، جس کے لیے مربوط ردعمل ناگزیر ہے۔

Browse Posts

بدعنوانی کیخلاف بڑا اقدام،PACA اور اینٹی کرپشن بلوچستان کے درمیان مفاہمتی یادداشت پر دستخط

آبنائے ہرمز اہم ترین گزرگاہ ہے اسے فوری کھولنے کے مطالبے سے متفق ہیں، پاکستان

منشیات اسمگلنگ کے خلاف بڑی کارروائیاں، کراچی پورٹ اور پشاور میں بھاری مقدار برآمد

ایئر وائس مارشل طارق غازی، ڈی جی پروجیکٹس، ایئر ہیڈکوارٹرز، نے اس بات پر زور دیا کہ جدید روایتی جنگ میں کامیابی اور زمینی و بحری محاذوں پر نقل و حرکت کی آزادی کے لیے فضائی طاقت بنیادی شرط ہے۔ انہوں نے واضح کیا کہ موجودہ تنازعات پلیٹ فارم پر مبنی کارروائیوں سے ہٹ کر نیٹ ورک پر مبنی، کثیر سطحی اور اثر پر مبنی جنگی ڈھانچے کی جانب منتقل ہو چکے ہیں، جہاں انسانی عملے کے حامل طیارے، بغیر پائلٹ کے نظام اور درست نشانہ بنانے والے میزائل مربوط نظام کے طور پر کام کرتے ہیں۔ مزید برآں، خلا، سائبر اور الیکٹرو میگنیٹک اسپیکٹرم اس متنازع ماحول میں فیصلہ کن عناصر بنتے جا رہے ہیں۔ ایئر وائس مارشل غازی نے زور دیا کہ اب کامیابی انفرادی پلیٹ فارمز کی برتری کے بجائے نظاموں کے مؤثر انضمام پر منحصر ہے، جہاں فضائی طاقت تنازع کے رفتار، گہرائی اور نتائج کو تشکیل دے رہی ہے۔

بریگیڈیئر ظاہر کاظمی (ر)، مشیر آرمز کنٹرول، اسٹریٹیجک پلانز ڈویژن (ایس پی ڈی)، نے تجزیہ پیش کیا کہ دوہری صلاحیت کے حامل میزائل، ہائپرسانک نظام اور کم ہوتے فیصلہ سازی کے اوقات جنوبی ایشیا میں جوہری اشارہ رسانی اور کشیدگی کے خطرات کو کس طرح متاثر کرتے ہیں۔ حالیہ تنازعات سے حاصل ہونے والے اسباق کی روشنی میں انہوں نے کہا کہ اب فتح کا انحصار انفرادی پلیٹ فارمز پر نہیں بلکہ ایک مربوط نظامی ڈھانچے پر ہے۔ اسٹریٹیجک سطح پر انہوں نے خبردار کیا کہ ہتھیاروں کی نوعیت اور ارادوں سے متعلق بڑھتی ہوئی ابہام روایتی اور جوہری اشارہ رسانی کے درمیان سرحدوں کو دھندلا رہا ہے، خصوصاً جنوبی ایشیا میں۔ انہوں نے اس بات پر زور دیا کہ فضائی حدود اب وہ براہ راست راستہ بن چکی ہے جہاں ٹیکٹیکل کارروائی اسٹریٹیجک نتائج میں تبدیل ہو سکتی ہے، اس لیے مؤثر کمانڈ اینڈ کنٹرول اور واضح اشارہ رسانی استحکام کے لیے ناگزیر ہیں۔

اپنے اختتامی کلمات میں ایئر مارشل عاصم سلیمان (ر)، صدر کَیس لاہور، نے کہا کہ جنگ کی نوعیت تبدیل ہو رہی ہے، اور فضائی میدان وہ بنیادی دائرہ بن چکا ہے جہاں ٹیکٹیکل اقدامات عملیاتی اور اسٹریٹیجک نتائج پیدا کرتے ہیں۔ ڈرونز، اسمارٹ ہتھیاروں اور براہِ راست نگرانی میں ترقی نے نشاندہی، فیصلہ سازی اور حملے کے درمیان فاصلے کو کم کر دیا ہے، جبکہ فضائی، سائبر، خلا اور الیکٹرانک جنگ کے مابین کثیر جہتی آپریشنز کا انضمام اب ناگزیر ہو چکا ہے۔ حالیہ تنازعات، بشمول مئی ۲۰۲۵ کی پاک بھارت جنگ، کا حوالہ دیتے ہوئے انہوں نے کہا کہ صرف تعداد اور جدید ٹیکنالوجی ایک منظم اور ہم آہنگ مہم کو شکست نہیں دے سکتی، جیسی کہ پاکستان ایئر فورس نے ایئر چیف مارشل ظہیر احمد بابر سدھو کی بصیرت افروز قیادت میں انجام دی۔ کامیابی کی اصل کنجی مضبوط ڈاکٹرائن، کثیر جہتی آپریشنز اور قابلِ اعتبار ایسکلیشن مینیجمنٹ نظام میں مضمر ہے۔

سیمینار کا اختتام ایک بھرپور اور متعامل سوال و جواب کے سیشن پر ہوا، جس میں تنازعات کی مختلف سطحوں پر فضائی حدود کی مشترکہ عملی اہمیت کو اجاگر کیا گیا۔ شرکاء نے اس بامقصد اور فکر انگیز مباحثے کے انعقاد پر کَیس لاہور کی کاوش کو سراہا۔